Mamalar Duit Saratus
Hidup di kampung itu harus batulungan. Sakit sama sakit dan senang sama sanang. Tapi Garbus marasa Julakijum nang ada di muhara gang pihak kada hakun babagi wan tatangga.
“Sidin itu pamalar banar lah,” ujar Garbus mamandiri palui wan Tulamak pas Julak Ijum lewat di kartak.
= “ Sidin itu kada pamalar malah sabaliknya baik banar wan warga kita di sini,”ujar Palui
- “Napa buktinya Lui bahwa sidin itu baik banar? Aku babarapa kali datang ka rumah sidin handak minta sumbangan gasan piknikan tapi sidin ngalih di tamui,dipadahakan kadada dirumah macam – macamlah,” ujar Tulamak.
= “ Sidin itu Mak ai kada hakun mambari gasan bararamian tapi kalu gasan masigit atawa pasantren sidin itu pambarian haja,” ujar Palui.
+ “ Aku kada parcaya Julak Ijum itu pambarian banar karena samlam sidin kahilangan sabigi duitan logam haraga saratus rupiah haja ribut banar ka hulu kahilir sampai sakampungan urang tahuan,’ ujar Garbus.
= “mungkin duit logam itu lain logam biasa tapi logam mulia alias amas, jadi wajar haja sidin galu banar ,” ujar Palui.
- “Duit logam biasa haraga seratus rupiah nang kuning kaya tambaga itu,”ujar Tulamak.
=” Kalu Cuma haraga saratus rupiah itu nang hilang kada mungkin sidin galu karna manyumbang mambaiki jalanan nangratusan ribu rupiah itu sidin ikhlas haja,” ujar palui mambila.
< “ Bujur lui ai samalam Julak Ijum galu banar kahilangan duit logam saratusan rupiah,” ujar Tuhirang nang hanyar datang umpat mambujurakan panderan kakawalannya.
= “ hilangnya di mana Rang,” ujar Palui handak tahu batakun wan Tuhirang.
< “ Wayah itu cucu sidin bamainan duit logam itu tadi, lalu imbah di cari kadada lagi dan si cucu tadi manangis banar,” ujar Tuhirang.
- “ Nahhh.., itu buktinya bahwa si Julak Ijum itu pamar alias pangasit banar,”ujar Garbus.
= “Imbah dicari – cari dapatlah duit logam nang hilang itu Mak ? “ ujar Palui.
< “ Sampai batangah hari mancari kada tatamu jua. Karna si cucu manangis tarus lalu di bawa ka puskesma. Eeeeee …..,sakalinya duit nang hilang tadi tatagung cucunya,” ujar Tuhirang
= “Nah, jadi sabujurnya Julak Ijum kada pamalar duit saratus tapi sidin galu karna si cucu tataguk duit logam itu,”ujar Palui mambila Julak Ijum
Hidup bahimat
Wayah haraga minyak makin balarang maka haraga barang nang lain taumpat jua balarang nang tamasuk sembaku kaya baras , minyak , gula. Palui laki bini sudah baulah janji mulai wayah ini hidup baarit supaya kawa cukup gasan hidup sabulanan.
Ø “Sasuai anjuran sampaian supaya mahimat ulanja maka hari ini iwak kita tapaksa babanan haja karna haraga minyak larang banar,” ujar bini Palui.
Ø “ Kita manyasuaikan wan pandapatan,” sahut Palui . “ Aku katuju haja iwak babanam, basumap atawa dibuat dalam gangan,” ujarnya
Ø “ Ulun katuju banar wan sampaian kada biasa managih makanan nang macam – macam, asal ada syukur masak napa haja katuju,” ujar bini palui ma – ambung laki.
Ø “Ini samunyaan barakat kabibisaan ading jua ma-atur duit ulanja wan rumah tangga, jadinyaaku kada tasalah mamilih ikam jadi biniku,” ujar Palui.
Ø “Kalu kaya itu jangan sariklah hari ini banyu putih haja sampaian kada bagula karna gula kita habis dan wayah handak manukar tadi di kuperasi sudah habis dirabutakan urang,” ujar bini palui.
Ø “ Kalu sual gula baik jua dibatasi karna aku samalam bapariksa ka dukter, ujar dukter bahwa aku ada gajala panyakit kancing manis makanya kurangi makan gula,” ujar Palui.
Ø “Tapi samalam sampiyan banyak banar makan tapai, padahal makan tapai itu manis banar,” ujar bininya.
Ø “Kalu makan tapai bulih haja karna tapai itu manisnya kada matan gula tapi matan ragi ,” ujar Palui baula alasan.
Ø “Jadi kasimpulannya kita bujur bujur bahimat, kalu kada parlu banar jangan manukar artinya bacari akal supaya jangan kaluar duit,” ujar bininya. “ Samalam ulun kahabisan kayu padahal tagasak handak bamasak makanan tapasak kalum sampiyan gasan masigit nang ulun banam jadi kayu pamasakan,” ujar bininya.
Ø “Biniku ini pahaman banar.” ujar Palui manyindir.
Ø “ Ayu abahnya kita makanan, nasi iwak sudah siap,” ujar bininya mambawai Palui. Imbah tuntung makan , Palui tapaluh lalu duduk di palataran sambil bakuit gigi.
Ø “ Uiiii…….., umanya, umpat batakunlah ? samalam ikam bapadah kahabisan kukuit gigi tapi tadi kulihat pina banyak haja di wadahnya,” ujar Palui.
Ø “ Itu tamasuk akalku jua kaya apa supaya jangan kaluar duit,” sahut Bininya.
Ø “Jadi ikam maminta wan siapa,” Ujar Palui
Ø “ Sasuai pasan sampiyan supaya mahimat maka kukuit gigi tadi ulun kumpulakan nang bahamburan di bawah lawang, mumngki bakas sampiyan, bakas ulun atawa bakas julak wan kayi,” sahut bininya.
Ø “ jadi ……, jadi kukuit gigi itu bakas tapakailah, bakas pakai uranglah ?”ujar Palui pina sarik sambil gagaluak bapicik ka parut lalu bukah ka padangan muak mangaluarkan isi parutnya mandangarakan panjalasan bininya.
